| مدينة ام درمان في السودان | |
|
+3همس النسيم السواح مريم ياسر 7 مشترك |
كاتب الموضوع | رسالة |
---|
مريم ياسر
عدد المساهمات : 44 تاريخ التسجيل : 06/10/2009
| موضوع: مدينة ام درمان في السودان الثلاثاء نوفمبر 03, 2009 7:49 pm | |
| بسم الله الرحمن الرحيم مدن السودان. يبلغ عدد سكانها 526,827 نسمة. وتكتب أحيانًا: أمدرمان. يقال إنها محرفة من أم در أمان، وهي مدينة حديثة النشأة بعض الشيء إذا ما قورنت بالخرطوم. وكانت أم درم أُم دُرْمان مدينة سودانية تقع غربي الخرطوم على شاطئ النيل. من أكبر ان أول أمرها قرية، ثم أخذت في النمو والازياد بعد أن عسكر محمد أحمد المهدي الزعيم السوداني في قرية أبي سعد. ولما سقطت الخرطوم في يد أنصار المهدي في 26 يناير 1885م رجع المهدي برجاله إلى أم درمان التي أصبحت منذ ذلك الوقت عاصمة الثورة المهدية. بعد وفاة المهدي في يونيو 1885م تولى الخليفة عبدالله الحُكم في البلاد، وظلت أم درمان عاصمة الحكم، فبنى فيها منزلاً له،كما أقام ضريحًا للمهدي، وبنى فيها شارع العرضة للاحتفال باستعراض الجيش في المناسبات. وظلت أم درمان عاصمة للبلاد حتى نهاية حكم الثورة المهدية. نقل الحكم الإنجليزي المصري العاصمة من أم درمان إلى الخرطوم، وأقام المصالح الحكومية هناك، ولكن غالبية السكان ظلوا في أم درمان، وكانوا يذهبون إلى أعمالهم ثم يعودون بعد منتصف النهار. ولذلك سُميت بالعاصمة القومية. شهدت أم درمان كثيرًا من الأحداث التي أدت إلى استقلال السودان فيما بعد وإلى الحركات الوطنية. وكان يسكنها كثير من رجال الحركة الوطنية، منهم الرئيس إسماعيل الأزهري. وفي أم درمان أقيم أول نادٍ للخريجين في السودان في دارٍ وهبها الشريف يوسف الهندي لرواد الحركة الوطنية. وكان ذلك النادي مركزًا للحركة الأدبية والسياسية والوطنية في البلاد. وفي أم درمان أنشئت أولى المدارس الأهلية على اختلاف مراحلها، وبها أول جامعة أهلية للبنات بالإضافة إلى جامعة أم درمان الإسلامية والجامعة الأهلية. وفي كثير من كتب التاريخ تنسب إلى أم درمان الواقعة الأخيرة بين اللورد كتشنر والجيش السوداني فيُطلق عليها معركة أم درمان إذ إن أرض المعركة تبعد أميالاً قليلة من هذه المدينة في جبال كرري. ومن الناحية التجارية فإن أم درمان تعج بالأسواق المليئة بالسلع المختلفة التي ترسل إلى غرب السودان. وبها عدد من المصارف التجارية والفنادق التي يلجأ إليها من له أعمال فيها. وبأم درمان معهد القرش الذي أنشئ في الثلاثينيات لتعليم الصبيان الذين لا مأوى لهم بعض الحرف لكسب العيش. وقد تطور هذا المعهد الآن فأصبح ذا فائدة عظمية في ميدان الصيانة، ووجد تشجيعًا من بعض الجمعيات الخيرية من الخارج. ويوجد بأم درمان المقر الرئيسي لإذاعة وتلفاز جمهورية السودان. | |
|
| |
السواح
عدد المساهمات : 40 تاريخ التسجيل : 26/10/2009
| موضوع: رد: مدينة ام درمان في السودان الأربعاء نوفمبر 04, 2009 1:41 am | |
|
ياسلام على امدرمان السمحة بي ناسها والحنينة بي طبيعتها
امدر بلد الامان والناس الحُنان والذكرى الزمان طبعاً عدد السكان المذكور دا كان في الثمانينيات الميلادية على ماأعتقد لأن تعداد سكانها الآن يقارب الـ 2 مليون نسمة حسب الإمتدادات السكنية الجديدة أمدرمان هي قلب السودان النابض والاستراتيجي تماماً سوق أمدرمان - الشهداء - الملازمين - بيت الخليفة - قـُبة المهدي - المجلس البلدي المجلس الوطني - قصر الشباب والأطفال - الاذاعة - التلفزيون - مركز الشباب - اتحاد الفنانين ميدان المولد - السوق الشعبي - الكلية الحربية - الجامع الكبير - و و و و و الخ كل البهجة والسرور والحبور في امدرمان كل الفرح والحاجات السمحة في امدرمان عارفة يا مريم امدرمان دي بالنسبة لينا زي البحر للسمك لو طلعنا منها نمووووت امدرمان أول ميلاد واول نشئة واول تكوين واول دراسة واول حب واول كل شيء امدرمان عشق من نوع خاص يندر وجوده في هذا الزمن المُـر مريم ياسر يديك العافية على تحريك الاشواق الهائلة لهذه المدينة الفخمة
شكراً كتير شديد
| |
|
| |
مريم ياسر
عدد المساهمات : 44 تاريخ التسجيل : 06/10/2009
| موضوع: رد: مدينة ام درمان في السودان الخميس نوفمبر 05, 2009 1:09 am | |
| [quote]العفوي يا رائع اسعدني طبعا انا ما مشيت السودان ولا شفت ام در مان وانت بتشوقني اني اشوفهامرورك
وان شاء الله اول ما نمشي ننزل في ام درمان بلد الامان ومنور البوست[/quote] | |
|
| |
السواح
عدد المساهمات : 40 تاريخ التسجيل : 26/10/2009
| موضوع: رد: مدينة ام درمان في السودان الخميس نوفمبر 05, 2009 1:15 am | |
| اقصر فؤادي فما الذكرى بنافعة ولا بشافعة في رد ما كانا سلا الفؤاد الذي شاطرته زمنا حمل الصبابة فاخفق وحدك الأن هلا أخذت لهذا اليوم أهبته من قبل أن تصبح الأشواق أشجانا لهفي عليك .. قضيت العمر مقتحماً في الوصل نار وفي الهجران نيرانا
معليش يا مريومة جيتك تاني ذكرة أمدرمان دي بتحرقني شدييييد
اها قمت جبت ليك كلام أحمد رامي الفوق دا والذي غنته كوكب الشرق أم كلثوم وماعارف ليه كلما اسمع الأغنية دي بتذكر أم در غايتو خليها على الله شكرا شديد تاني | |
|
| |
همس النسيم
عدد المساهمات : 29 تاريخ التسجيل : 18/10/2009
| موضوع: رد: مدينة ام درمان في السودان الخميس نوفمبر 05, 2009 1:27 am | |
| ياجماعه انازاتي امدرمانيه وحوشنا فييي فريق ريد والله ياالسواح فول الجان او ود سعد احلى عندي منكل اصناف الاكل المجمد او معلب المسيييييخ دا وامدرمان بتتهيج كل الحاجات السمحه ذي الجامعه الاهليه الاخدت فيها اول شاكوش ورغم مرور 3سنوات كل ما اهبش راسي بتزكر الشاكوش مصحوبه معاهو ام درمان | |
|
| |
مريم ياسر
عدد المساهمات : 44 تاريخ التسجيل : 06/10/2009
| موضوع: رد: مدينة ام درمان في السودان الخميس نوفمبر 05, 2009 1:37 am | |
| لا لا لي معليش بالعكس انا سعيدا جدا جدا بمروركم للموضوع والرد عليه يا همس النسيم يا ظريفة انتي قبل ما تقولي انك امدمانية شكيت انك امدرمانية من الظرافة دي ويديكم الف الف الف عافية | |
|
| |
الوتر الحنين
عدد المساهمات : 15 تاريخ التسجيل : 29/05/2009
| موضوع: رد: مدينة ام درمان في السودان الخميس نوفمبر 05, 2009 10:26 am | |
| يا مريوم ما تمشي تعالي احي فيك حلاوة الموضوع واخترت من مدن السودان ام در والمقصود فعلا انها بلد الدر والامان ومن اشهر مافي امدرمان الطابية التي شيدت من قبل المهدية لمحاربة جيش الانجليز على النيل ومازالت قائمة وايضا البوابة المشهورة بوابة عبد القيوم واستاد المريخ واستاد الهلال ودار الرياضة وايضا مستشفى الولادة المعروف بالدايات ومن الجامعات الحديثة كلية علوم التقانة ومستشفى التجاني الماحي (نفسيات) لايكفي زكر ماشيد بامدرمان ولا يفتك طيبة اهل امدرمان.....ز | |
|
| |
مريم ياسر
عدد المساهمات : 44 تاريخ التسجيل : 06/10/2009
| موضوع: رد: مدينة ام درمان في السودان الجمعة نوفمبر 06, 2009 5:34 am | |
| شكرا ليك يا وتر يا حنين على المعلومات الرائعة ومنورة البوست والله اعدني مرورك | |
|
| |
حمد النيل
عدد المساهمات : 28 تاريخ التسجيل : 27/04/2009
| موضوع: رد: مدينة ام درمان في السودان الثلاثاء نوفمبر 10, 2009 4:30 am | |
| شكراً يا مريم على المعلومة العظيمة عن أم درمان ......
أنا طالب منك تفتشي معلومات عن مدينة سواكن ... ومنتظريييييييييييين . | |
|
| |
ملكة سبأ
عدد المساهمات : 56 تاريخ التسجيل : 08/10/2009
| موضوع: رد: مدينة ام درمان في السودان الثلاثاء نوفمبر 10, 2009 5:58 am | |
| .
ياحمد النيل حمدلله على سلامتك انشاء بلقته الصحه ومنور المنتدى بعد الغياب الطويل طبعا امدر هي حضن الوطن الدافيء وليها اهميه خاصة عند.
ابناءها كوطن كامل متكامل بس نتمنى من الحكومات القادمه ان تولي ام در عنايه تستحقها فهي على مر الحقب كانت .مركز للاشعاع الفكري والديني | |
|
| |
عمار هبّار
عدد المساهمات : 51 تاريخ التسجيل : 21/04/2009
| موضوع: رد: مدينة ام درمان في السودان الثلاثاء نوفمبر 10, 2009 7:17 am | |
|
الأعزاء هنا سلام.. أتاحت لي الظروف أن (أتدرمن) حيناً من الدهر كان بالشيء الذي لم أستطع نسيانه حتى الآن، فقد سكنت تلك البقعة أيام دراستي في الجامعة وبالتحديد في حي الشهداء العتيق، ذلك الحي العجيب الذي كان يضم خلطة غريبة من أهل السودان شماليين وجنوبيين، شرقيين وغربيين، يعيشون في هدوء وسلام، في محبة ووئام، فيهم الصالح وفيهم الطالح ففي نفس التوقيت الذي كان يمر فيه ذلك الرجل ذو اللحية البيضاء الكثة مذكراً بصلاة المغرب، كان يمر آخراً يخيط الطريق وهو ثمل يرشقنا بعبارات كلها حكمة، تنم عن ثقافة لا محدودة بعضاً منها باللغة العربية الفصحى، وبعضاً منها باللغة الإنجليزية، وبعضاً منها بلغة لا أظن أن هنالك من يفهما غيره. وهنالك أيضاً عدد لا يستهان به من الأجانب سواء كانوا هنودا،ً أو أتراكاً سكنوا الشهداء منذ عشرات السنين وسكنتهم حتى صار لسانهم كلسان أهل البلد وحالهم كأحوالهم. تعرفت في الشهداء على كثير من الأدباء، والفنانين، أهل سياسة، وأهل رياضة، وأهل دين، كانت تعج بهم جنبات سوق الشهداء الذي لم أكد أنهي يومي الدراسي حتى أعود مهرولاً للجلوس فيه، لأمتع أم عيني بالنظر ولأكتشف ما يدور حولي من أحداث وأروي ظمأئي للحكاوي المتحركة، وأمارس هوايتي في التأمل، فقد كان ذاك المكان ملئ بالحكايات.. حكاية طفل صغير ترك الدراسة وهجر أهله (وربما هجروه) ليتحول لبائع مناديل ولبان (شكلت) في ذاك السوق، حكاية موظف بالمعاش كان صاحب مركز مرموق والآن يجلس على قارعة الطريق يستجدي عطف المارة، حكاية أم لستة أطفال مات زوجها وقست عليها الظروف فلن تجد سبيل من بيع الشاي رغم ما فيه من عذابات، وحكاية طالب جامعي يتصايح بعد أن تصيدوا نشالي السوق محفظته بكل ما فيها من مصاريف الشهر، وحكاية إحدى المتبرجات التي ضربت أحد الشباب على وجهه مدعية أنه قام بلمسها.. كثير من الحكايات كنت أشهدها كل يوم في ذاك المكان، ولا أخفي أنني تعلمت منها الكثير وكونت لدي خبرة تراكمية ربما استفدت منها في حياتي وربما أفسدت علي بعض ما كان بداخلي. تلك هي الشهداء، وتلك هي أم در أمان صورة مصغرة للسودان القديم والسودان الحديث بكل ما فيه من تناقضات. شكراً.. حبيبتي مريوم ولي عودة إذا كان في العمر بقية لأتحدث عن جانب آخر في هذا الموضوع..
| |
|
| |
حمد النيل
عدد المساهمات : 28 تاريخ التسجيل : 27/04/2009
| موضوع: رد: مدينة ام درمان في السودان الأربعاء نوفمبر 18, 2009 4:06 am | |
| شكراً يا ملكة سبأ عن سؤالك عن صحتي... للعودة عن موضوع أم درمان فهي العاصمة الوطنية للبلاد والخرطوم العاصمة الإدارية والسياسية - أم درمان عالم ملئ بالجمال وتغنى لها الكثيرون من الفنانين - حلوة حنينة يا أم درمان - أنا أم درمان مضى أمسي بنحسي - أنا أم درمان أنا السودان أنا الدرة البزين بلدي - طال هجري يا أم درأمان في بعادي حكم الزمان وغيرها ... هل تدرين ايا مريم أن علاقتي بأم درمان علاقة أزلية مع العلم أن لنا فيها بيت صغير وامتلكناه حديثاً برغم أن هنالك حي كامل باسم جدي (حمد النيل). | |
|
| |
| مدينة ام درمان في السودان | |
|