المنتدى الأسري السوداني
اهلاً بك عزيزي الزائر للدخول اضغط على كلمة دخول وللتسجيل اضغط على كلمة تسجيل نتمنى لك طيب الإقامة بيننا ونكون سعداء بعضويتك فب المنتدى الاسري السوداني
إدارة المنتدى

المنتدى الأسري السوداني

منتدى اسري يجمع بين اسر وعوائل السودانيين في مدينة الرياض
 
الرئيسيةاليوميةس .و .جبحـثالأعضاءالمجموعاتالتسجيلدخول

نرحب بالأعضاء الجدد damrah / الفاتح محمد صالح / أمير /أبو نضال / ناجي العمدة / حمزة بدوي يمكنكم الدخول والمشاركة


شاطر | 
 

 قصيدة لللحلمنتيش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لنوية

avatar

عدد المساهمات : 12
تاريخ التسجيل : 05/10/2009

مُساهمةموضوع: قصيدة لللحلمنتيش   الجمعة نوفمبر 06, 2009 4:51 pm

[b][i]
يا اللي ريدك فيني طبعة .... يا المكسرة فيني ضلعة
يا البجيك في الجامعة دايش .... يوم خميس ألقاه جمعة

يوم أشوفك ... قلبي ينتف .... عرقي ينزف
وابقى اشوفك سبعة سبعة
" أصلو ريدك جاني فجأة " .... وأدى لي صنقوري كبعة

****
يا طبيبة ... يلا شيلي القرقريبة
ويلا عوسي قليبي كسرة
ويلا دنكلي منو لقمة .... والعبيبا

عل بس شيليها مرة .... وابلعيها كالجاتوه
خليهو يسأل جوة يسأل .... والبيسأل ما بتوه
ولما جات المعدة تهضم .... قيل مهلاً اتركوه
أنه لا يطلب شيئاً
إنه قلبُ ُ متيم .... جاء يسأل عن أخوه

*******
قد سألتك لا تجافي .... إنه حب خرافي
ما بسيبك .... كان بترضي وكان تخافي
ما بسيبك كان رضيتي وكان أبيتي
كان وقعتي .... وكان جريتي
كان عقب طلعتي زيتي

ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة

ما بفوتك إنت املي
كان بترضي وكان تملي
ما بفوتك إنت للي

إنتي أقري .... وكل معلومة بتفيدك
يا حلاوة المايكروبايو .... جاري في موية وريدك
كل جرثومة بتريدك .... صارو هيلك من عبيدك
وإنتي للباثولوجي تقري .... أصلو شيتاً دمو بقري
علة جنبك يبقى ساهل .... وفيهو تجري

******
وإنتي يا أشطر طبيبة .... يلا شرحي فيني حلي
فرتقي الجواي وسلي

تلقي روحي مناها ريدك
والعلاج جاهز في إيدك

ماهو كم كبسولة "فاليوم"
إسبرين أو كان يورانيوم

العلاج جاهز في إيدك من سنين
العلاج يا انتي آخذ حقنة حُب أو حبتين
من عيونك .... من كلامك .... كلو ريحة بنسلين
واشفى من كل المواجع .... وأبقى زين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همس النسيم



عدد المساهمات : 29
تاريخ التسجيل : 18/10/2009

مُساهمةموضوع: رد: قصيدة لللحلمنتيش   الجمعة نوفمبر 06, 2009 11:26 pm

والله يالنويه اخلى قصيده وزولك الكتبها دا اتكسر كسيرة السواد والرماد وما حيتلمه بي كوريك غايتو كب الجرس وقال الرووووووووووووب والدكتوره شنكلتو شنكلة المشنكل في الشنكل



عفيت منك ياعسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
لنوية

avatar

عدد المساهمات : 12
تاريخ التسجيل : 05/10/2009

مُساهمةموضوع: رد: قصيدة لللحلمنتيش   السبت نوفمبر 07, 2009 9:36 pm

هههههههههههههههههههه تسلمي على احساسك الشديد بالزول المشنكل دا على قولك
انا عفتش ليهو هوفر لعل وعسى يتلملم وليك تحياتي الحارة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حمد النيل

avatar

عدد المساهمات : 28
تاريخ التسجيل : 27/04/2009

مُساهمةموضوع: رد: قصيدة لللحلمنتيش   الثلاثاء نوفمبر 10, 2009 4:20 am

(ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة

ما بفوتك إنت املي
كان بترضي وكان تملي
ما بفوتك إنت للي)


======

دي ريدة شنو قول للصقة دة " حواء والدة ".
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصيدة لللحلمنتيش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الأسري السوداني :: المنتـــــــديــــــــات العــــــــــــــامة :: المنتدى الأدبي-
انتقل الى: