ا.عبدالله الفكي

بحكمة وطيبة الطيبين وحنكة الرجل المميز الذي شرب العمل العام حتى نزّ منه واريحية القيادي و(البال السلبة) واحترام الاخرين كان لقاءنا بك الذي زادني احتراماً على احترامي لك
ودمت اخاً لنا

والله يا امونايه السمحه عبد الله الفكي كل يوم الواحد يكتشف فيه جوانب رائعه وعلى مر السنين بثبت انو جاي من زمن سمح كان فيه الانسان انسان الله يديه الف عافيه ويحفظوا لي اهل المنتدى المشبثين جدا بي الناس السمحين ديل وانتي وحاج النعيم اكيد منهم

ياجماعه قووود مورننق وهلو عليم الزول الكبرتو راسو دا لمن بقى ذي بطيخة اول الموسم اذا كان تشكيلي اكيد حيكون سمح بالحيل لانو الورود لاتنمو في الارض البور وذي مابتقول حبوبتي ياود الفكي انشاء الله يوم شكرك مايجي وادعو لي يا جماعه الله يديني عريس
عريس سمح ذي زوللللكم السمح دا والا مرحب بالبوره المجيهه هههههههههههه

همس النسيم كتب:

ياجماعه قووود مورننق وهلو عليم الزول الكبرتو راسو دا لمن بقى ذي بطيخة اول الموسم اذا كان تشكيلي اكيد حيكون سمح بالحيل لانو الورود لاتنمو في الارض البور وذي مابتقول حبوبتي ياود الفكي انشاء الله يوم شكرك مايجي وادعو لي يا جماعه الله يديني عريس
عريس سمح ذي زوللللكم السمح دا والا مرحب بالبوره المجيهه هههههههههههه

همس النسيم ياخ هاوآآريوك وعساك فاينة ان شاءالله

يابتنا مالك ومال الجهجهة دي ؟؟
تعالي لي بي جاي عشان أديك النجيضة المابعدها نجايض
شوفي ... بورة مضمووووووونة ولاعرسة - فنانين- مجهجهة
اسمعي كلامي دا وختيهو حلقة في اضانك وأسألي المجربين
انا غايتو لاسمعت لاجابوهو لي ..... لكن شفت بي عيني دي عديييل كدا




اها عاد ابقي 10 على رقبتك

السواح السمح ذي نور الصباح والله النجيضه حقتك بتخوف وكمان مستصحبه معاها وصيه علي الرقبه الواحده المافي ليها اسبير باس لااصلي ياباني ولا تقليد تايواني وانته شكلك تشكيلي او قريب من كدا وانا صراحه رغم اني ما شمامه اوي ولا بطيخه اوي لكني شاسه اي بمعنى شامه+ حاسه انك ذي عبد الله ابو راس كبرو ودي طبعا على وزن قوز كبرو ههه هه هههههههههههها وانا عندي فكره انو التشكيلييين ناس بيعرفو فن التعامل مع المره على قولت اهل العوض والحرمه على قول بني كلاب من اهل هذا الهباب الانحنا محمدين بي كشه قريبه منو وحتدقش العائله كلها ارض الله الواسعه الى ان يبين لارض المليون قتييييييييييييل عفوا ميل صاحب والا حيكون مصير كل واحد فينا يكون سايح في بلاد الله سيحة الزبده في عز الهجير ارجع لي موضوع العريس التشكيلي الببحث عنو لانو حايعاملني ذي معاملتو لي لوحتو بي كل عنايه ويخاف عليها من الهواء الطاير مع فارق بسيط بيني وبين اللوحه انو ماكل مره حيعرس واحده للرف وتانيه للحيطه وا3 للعرض وتتوالى اللوحات انا عايزه اكون لوحتو اليتيمه يرسمني انا وبس و مستنياك

. يا السواح يا وش الملاح واحشانا هواريوكاتك وفايناتك يا ريت تظهر علينا بي جديدك الزي هدوم العيد الجاي [/.

والله يا همس على قولتك سواح وبس والباقي خس والله البنبر مضلم وعامل ذي حيشان ام در الاهلها ماتو ويا السواح انشاءالله مافي عوجه يافارس المنتدىبلا منازع

[b[. يا الملكه قود افتر نووووووون عليك وعلى اللخلفوك وينك [b]واخبار المنتدى شنو والله يابلقيس الراجل السواح دا قاطع ارسال فجأه عامل ذي .هارموني .رغماني شايفاه بيتاوق بيجاي ويتحاوم بدون احم ولا دستور وانتي كمان قاطعه ليك كمين وعشرين [./]ساعه ماباينه .

همس النسيم كتب:

. يا السواح يا وش الملاح واحشانا هواريوكاتك وفايناتك يا ريت تظهر علينا بي جديدك الزي هدوم العيد الجاي [/.

ملكة سبأ كتب:

والله يا همس على قولتك سواح وبس والباقي خس والله البنبر مضلم وعامل ذي حيشان ام در
الاهلها ماتو ويا السواح انشاءالله مافي عوجه يافارس المنتدى بلا منازع

همس النسيم


ملكة سبأ

هاو آآريوكم ياخ وعساكم فاينين جميعاً

ياهمس .. وش الملاح دا احلى حاجة لكن ياتو ملاح ؟؟ ان شاءالله يكون رجلة أو بطاطس غير كدا انا مامعاك
وياملكة .. انتي كدا بتخلي الواحد يعتزل السواحة والحوامة ويستقر بي جاي
لكن صراحة ناسكم عجيبين بالمرة
ياخ حتى حيشان أمدر الأهلها ماتوا بتلقي ناس ساكنين فيها بالإيجار
حوشكم دا غايتو التقول مسكون ... كدي شوفو ليكم فكي كااارب يعزم ليكم فيهو
ووصوهو يقرأ ليكم في العزيمة أغنية قرب تعال ماتبتعد

تشكرات كتيرات على الاهتمام والسؤال وهي فقط إستراحة محارب




شكرا كتيراً طيباً يشبهكم

هي يالسواح هوارييييييييييييييوك ولحمة الله وسمكاتو بلله عليك كيف نكون فاينين وملاحنا بلا وش اكان رجله بنزرعها في مشروع الجزيره قبل ما يسرقو وبنخليها المحصول القومي بدل القطن الماقام ليه قايمه وبنحشها ناعمه ونعمل ليك حلة رجله تاكل حله وممكن. تدخل بيها موسوعة غينتس ياخي رجلتك ما اقل من تبولة وحمص لبنان ورجلتك دي لازم نسجل بيها براعة اختراع اصلو اليهود انفجعوا ومسكتتتهم جوعه لمن قاموا يتسلبطوا في اطباق العرب وهم بي كدا يكونو كوشو علي العرب ووصلو حتى الي نخاع التبوله والحمص عيك الله شفته الفجعنه والطفاسه دي ماكفاهم الشالو؟؟اما الرجله فامره جدا مختلف فهي بلاضافه الى انها المحصول القومي الاول وبما ان العزيز السواح حيكون وشها المبارك الميمون وبناء عليه اصدرت انا المدعوه بهمس النسيم البيان التالي

اول هام ان تزرع الرجله المباركه في كفوف الراحه وهي المنطقه الواقعه بين مشروع الجزيره الي حلة حسن والنشيشيبه


تاني هام ان تسقى ماء طهور ان لم يوجد نوصي بان يكون الري من نرعة مامونالبرير{فيمتو او اورنجينا} وعلى من لم يجد عليه باحضار بدائل الري مصحوبه بشهادة حسن سير وسلوك ومرفق معها كافة التفا صيل والمناقصه لاتشمل الترع وابو خمسين والابار الجوفيه والارتوازيه ووسائل الري البديله هذه يجب على الاقل ان تكون مطابقه للمواصفات والمقاييس ومختومه بختم الايزو ومفسوحه فسحه كبيره من هيئة الصحه العالميه

[b]قرارات هامه وبيان من همس ملكة الرجله والخس[/b]

ترقبونا

تاني هام ان تعتبر ارض الميعاد او ارض الرجله محرم تحريم قاطع الدخول اليها الاباذن من[[b]b] حلف شما رالاطلسي او ا النجيتو ان كان الغرض منالزياره لايوافق اوقات الله ال3 اي الزراعه والري والحصاد وعلى كل من تسول له نفسه الامارة بالسوء ان يتلصص او يتاوق بي جاي من غير تصريح سوف يعرض نفسه لخطر اطلاق النار حتى من النيران الصديقه ومن حرس حدوووود الرجله الماليها حد دي .

ثالث هام ان تتشكل لجنة اختيار عالية الكفاءه من حملة الشههههادات الفوق. الدكتوراهفي الموارد البشريه لعمل فلتره وغربله بيغربال عالي الحساسيه ومقددددد نااااااااااااعم لكل السيفيهات وطلبات الالتحاق بوظائف مزارعين وحشاشين الرجله اثناء الحصاد وبعده على ان يراعى في. المتقدمين الرقه في التعامل وفن الاتكيت وسرعة البديهه والذكاء الخارق وات يمتنع . التعيين عبر الواسطه حتى لو كان المتفدم ولد عمر او نافع اوغيرهم من الغير نافعين
وان تتعين لجنه اخرى لعمل دورات تدريبيه لسعداء الحظ المجتازين لاختبارات القبول ونوصي بالمتفوقين بانتداب خارج الوطن لتلقي دورات تدريبيه في جزر الجرجير او ولايات السبانخ المنطبخه او اي بلد بينن وبينها اتفاقيات تبادل المجرمين على ان يعين الحاصلين على الدوره اعتى منصب كمنصب علي ثعبان او فرار الترامي وان تكون لهم نفس الصلاحيات في اتخاذ القرارات الهامه واستنباط طرق جديده في طبخها او محولة فركها كورق الانتخابات و التسجيل

وبما ان اتباع الوسائل الحديثه في فرك الورق وخلط الخاص بالعام والمقصود بالخاص مال الشعب والعام جيب الناس الماتمام الختو فيه حقي وحقك وحق اولادنا لكن اطمئنوا محصول الرجله القير مفروكه يبشر بالخير ايشششششششششششروا ستحل كل المشاكل العالقه والمشعلقه في رقبتنا منكميين وعشرين سنه وسنطالب بعدم فرك الرجله وطبخ الورق تحت الطاوله ونكتفي بدق الويكه ودق الشطه ودق الشلوووووووووفه اما دق الرجله غير مصرح لانو السواح وش الملاح بيستاهل كل خيييير
بواصل اذا لقيت وشششششششششششش منكم وش

[b] ياهموسه العسل شنو حكاية الرجله البقت ذي بقر الهندوس واصلي ورينا هل يوجد فتوى شرعيه بتنولهاا مطبوخه بالعدس خلصي حكايتك مع المحصل النقدي الذي سيحل مشاكل البببببلد بعد اكتشاف ابار النفط المغمسه بالرجله الوشها سمح بي وش السواح واههههها ياحلوه انا منتظره اطبخ ليك انا ملاح البطاطس وحا اعزمك عليهو وطبعا ماحاعزم [/b]السواح تعرفي ليه؟؟؟؟؟ لانو هو الوشششششش هههههههه