جاطة ولما جاطة .... جاطة تاني

من الشرق لا إتو من وين ؟ من الغرب لكن آبوي جنوبي دينكاوي وأمي حبوبتها بديرية دهمشية وأهمها جعلية وعييييييييييييييييييييييييييك.... جايطة ولا لا؟
طيب ياخ إت أسمح زول داير شنو؟
داير أعرس لي واحدة شعرها طوال وعالية ما ضروري القراية بس تكون سمحة
أها لقيتها؟
قالوا ما أعرسها حبوبتها...
ياخ إت ما عارف داير شنو أول حاجة حدد موقفك مع روحك وبعدين أمشي حاور ناس أمك
لكن أهلي ديل صعبين خلاص
شوف ات لو ما أقنعتهم قصتك دي حتدور فينا الي يوم القيامة
بالمناسبة..
أيوه بالمناسبة من فعل النسب وليس السب أبوك رايه شنو؟
الله يرحمه أبوي متوفي
ياخ أنا أحسن أشوف لي خواجية
تمام يافردة شوف لي ماك

بالمناسبة ده كان حوار وسط

ككيف الدينكا يردو لي بكانا ويتفوا إيالنا ويسوقوا بقراتنا؟
أبه هامد إنده خبر؟



أُمكْ جاطة بي هناك!! يالطيف ألطف


جالون البنزين كان بي جنيهين ونص لمن جوا الجماعة وهسع قبل ما أجي السعودية خليتو بي سبعة ألف ونص وده بعد ما قالوا طلععوا زيتنا ... أقصد البترول
ياخي سيبك والله دي ما يلمها الا السواها


ده كان حوار سياسة سياسة اللذيذة إنه بيدور فكل مكان في العالم إذا اجتمعوا سودانيين اتنين



شفتوا؟
لا لا ها ها ها ها ها... شي عجيب
البوصلة وين؟
شمالاً
والوليدات؟
لأي مكان



ياربي ده كان حوار ناس منو؟




الإتجاه الذهني السوداني لا يؤسس الا للإثنية
ياخي دي ذهنية تناسل وبس
لا لا وبعدين مش كده وبس ما إنسان المنطقة دي مقهور لذلك الأنا متحققةوبالتالي التفريق ده هو شكلو الحتمي



ديل كنو ناس ثقافة ثقافة


رايكم شنوا بالله موش جاطة