المنتدى الأسري السوداني
اهلاً بك عزيزي الزائر للدخول اضغط على كلمة دخول وللتسجيل اضغط على كلمة تسجيل نتمنى لك طيب الإقامة بيننا ونكون سعداء بعضويتك فب المنتدى الاسري السوداني
إدارة المنتدى
المنتدى الأسري السوداني
اهلاً بك عزيزي الزائر للدخول اضغط على كلمة دخول وللتسجيل اضغط على كلمة تسجيل نتمنى لك طيب الإقامة بيننا ونكون سعداء بعضويتك فب المنتدى الاسري السوداني
إدارة المنتدى
المنتدى الأسري السوداني
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

المنتدى الأسري السوداني

منتدى اسري يجمع بين اسر وعوائل السودانيين في مدينة الرياض
 
الرئيسيةأحدث الصورالتسجيلدخول

نرحب بالأعضاء الجدد damrah / الفاتح محمد صالح / أمير /أبو نضال / ناجي العمدة / حمزة بدوي يمكنكم الدخول والمشاركة


 

 الموسيقى التصويرية في لهجتنا العامية

اذهب الى الأسفل 
4 مشترك
كاتب الموضوعرسالة
السواح

السواح


عدد المساهمات : 40
تاريخ التسجيل : 26/10/2009

الموسيقى التصويرية في لهجتنا العامية Empty
مُساهمةموضوع: الموسيقى التصويرية في لهجتنا العامية   الموسيقى التصويرية في لهجتنا العامية Icon_minitimeالإثنين نوفمبر 09, 2009 12:09 am

قالو كان في خواجة بعمل دراسات عن اللهجات المحلية لدى الشعوب
وأثناء تجواله مر بالسودان وتجول في ربوعه قرابة السنتين
وبعد أن أكمل رسالته ورجع الى بلاده كان رأيه عن اللهجة العامية السودانية مثيراً للإهتمام
فقد ذكر أن السودانيون قوم يمتازون بـ النظرة الإخراجية التصويرية للأشياء
ويظهر ذلك في حديثهم واضحاً حيث ترتبط العبارة بـ صورة أو صوت الحدث أثناء الكلام
وقد ذكر أمثلة كثيرة منها :
* وقع في البئر جـُمبُلُغ
* الطيارة قامت فوووو
* ضربني بالعصاية كـع
* أديتو كف تااااخ

وكل هذه العبارات اذا تأملناها لوجدنا أنها تحمل نوع من الموسيقى التصويرية للحدث
حيث يرتبط معنى الجملة مع موسيقى الحدث الفعلية ويدل على قوة أو صوت الفعل
وبناء على ذلك فإننا قوم يمكن ان نكون جميعاً مخرجين سينمائيين لكن ماعارفين
اها منو العندو فكرة عن الحاجة دي ويقدر يشاركنا بي رأيه أو عباراتو الإخراجية



يللا علينا جاي .. الدنيا صباح والحتة براح
الرجوع الى أعلى الصفحة اذهب الى الأسفل
Abdalla Ali alfaki




عدد المساهمات : 20
تاريخ التسجيل : 13/04/2009

الموسيقى التصويرية في لهجتنا العامية Empty
مُساهمةموضوع: رد: الموسيقى التصويرية في لهجتنا العامية   الموسيقى التصويرية في لهجتنا العامية Icon_minitimeالإثنين نوفمبر 09, 2009 4:46 am

وعييييك للاسترسال في ما لا نهاية الشئ
وتووووش خشه البيت
وشييييت كمل ليك العندو . أو (جت) قطع العندو
وتوووف شاتو ليك شلوت
ورورووووك ضرب الكواريك
وسست ملأ الكباية لي عينا
ورررررر قام ليك جاري صوف
وكبع كبع كبع اسمع ليك زولتنا جايا
وتراااااح ناولو ليك كف
وتسمع حس السوط شو شو في ضهرو
او جبط جبط أداه ليك بسطونه في ضهرو
تِكْ تِكْ تِكْ لتمثيل صوت الساعة او المشية في حالات معينه
وإشاااا عند التعرض للماء البارد او الجو البارد
وأححح للمواقف الصعبة او التعرض لما هو ساخن
سّي سّي سّي للاعجاب بالطفل حين الأتيان بفعل تعلّمه لأول مرة، او لاقتنائه شئ جديد (حذاء او ملابس الخ) أظن كدا

بالاضافة لاصوات التعامل مع الحيوان لمناداته او ابعاده فمثلاً:
جَر جَر لابعاد الكلب، ولمناداته (دي غلبني أكتبها)
بِس بِس لابعاد القط، ولمناداته تُتُو تُتُو (كتابتها صعبة تنطق كـ (ت) معطشة أظن تكتب كدا)
كَرْ كَرْ كَرْ لإبعاد الدجاج ولمناداته تستعمل كِدْ كِدْ كِدْ
هُرْد هُرْد هُرْد للثور
عرد عرد للحمار، ولمناداته حو حو حو
تَكْ تَكْ تَكْ للغنماية ولمناداتها حِيي حِيي حِيي
وعج عج للنعجة
وكثير غيرها، والأغرب من ذلك استعمال اصوات تصويرية للتعامل مع الأطفال الرضع، فعند التخاطب معه للأكل نسمع (الجانجا) (ايضا تصعب كتابتها) ، ولشرب الماء (ام بَّه)، وعند مساعدته للإخراج (اي اي إح) (معذرة، لا حياء في العلم)، و (نونو نونو) عند النوم، و(أُفّا) للدلالة على سخونة الشئ، وهكذا.
والموسيقي التصويرية تأتي مع الحديث لتعطيه دلالاته التعبيرية، والحاكي او الوناس، دائما ما يجيد هذا لمن يلتف حوله من الناس للونسة والاستمتاع لوصف المواقف الطريفة والحياتية اليومية، وهؤلاء دائما ما يعبرون عن ما يحكون بهذه الأصوات ومعها إيماآت بالجسم لتكتمل التخّيُلة في مخيلة من يحكون لهم لتذيد البهجة والسرور في المجلس.
والونسة أو الحكي جزء كبير من أدب العامة يرتاحون له، ويتشوقون الى متي ينتهي يوم العمل الشاق (زراعة، رعي، حرفة الخ) ويرخي الليل سدوله ليأتون يجددون نشاطهم ووجدانهم، بلمة ونسة وحكي، وهي بمثابة التغذية للوجدان والأفئدة، بجانب أنها سرد توثيقي للواقع.
وإذا كانت اللغة هي الحامل المادي للفكر إذ بدونها لا نستطيع أن نفهم بعضنا، فالحركة والإيماءة، والتعبير الصوتي سبقوها، لتبادل الأفكار لأجدادنا الأوائل. فيبدو أنهم مازالوا فينا.

تحياتي
الرجوع الى أعلى الصفحة اذهب الى الأسفل
همس النسيم




عدد المساهمات : 29
تاريخ التسجيل : 18/10/2009

الموسيقى التصويرية في لهجتنا العامية Empty
مُساهمةموضوع: رد: الموسيقى التصويرية في لهجتنا العامية   الموسيقى التصويرية في لهجتنا العامية Icon_minitimeالإثنين نوفمبر 09, 2009 5:51 am

يالسواح وش ملاح الرجله والبطاطس ود الفكي ايو راس كبرو سعيده بي الكلام السمح دا وشكلو حيكون بوست القمه باعتبار ان اللاعبين المتبارييين من المحترفبن والله يعينا علي المرور المجمرك دا والله يا جماعه بي صفتي من مواليد البلد دي وعلى قولتهم شهاده عربيه مفجخه مشيت السودان وانا عامله ذي الخواجه ده اكتر حاجه لفتت انتباهي اللقه التصويريه دي ذي اوووووووك للناسي حاجه واتذكرها وووووواي ودي لقة كسيره في جكس اهههههههههههههههههه للزعل وعدم الرغبه في مواصلة الحوار ويويويويوي لما حبوبتي تشيل الحله ولا الكفتيره وتلسعها.افيييييييييي يواخييييييييي لي الرائحه الكريهه ام دل ددددددددوم لللبعه في الضهر يييييييييييع استعراض القوه عند اهل العوض ونجفه للاغاظه واششش دي بيكترو منها الحرروم لابداء الاعجاب بشيء جميل اممممممممممم عند اظهار الاهتمام بحديث المتكلم المباشر وفي حاجه غايظاني وامكن هي نوع من الفلفسه العوره لما يعملوا لقاء مع ضيف متقندف بين كل كلمهوالتانيه في وااااواااااااا واااا اواللللللل


واصلو الكععععععععععععع كرررررررع االلذ
bounce
الرجوع الى أعلى الصفحة اذهب الى الأسفل
السواح

السواح


عدد المساهمات : 40
تاريخ التسجيل : 26/10/2009

الموسيقى التصويرية في لهجتنا العامية Empty
مُساهمةموضوع: رد: الموسيقى التصويرية في لهجتنا العامية   الموسيقى التصويرية في لهجتنا العامية Icon_minitimeالإثنين نوفمبر 09, 2009 11:50 pm

لهجاتنا وتنوع ثقافاتنا وكمية الإرث التراثي الموجود لدينا
يكفي أظنه لمئات الأفلام الوثائقية

وكل عبارة أو وصف متفق عليه
أو مستحدث ومستعمل
يعني الكثير لنا
ويوضح إختلافنا عن الآخرين
أقتبس منك :
وإذا كانت اللغة هي الحامل المادي للفكر
إذ بدونها لا نستطيع أن نفهم بعضنا،
فالحركة والإيماءة، والتعبير الصوتي سبقوها،
لتبادل الأفكار لأجدادنا الأوائل. فيبدو أنهم مازالوا فينا.

كلامك أعلاهـ بالإضافة الى ماذكرته من وقائع وعادات
مصاحبة
للأحداث أو الكلام
يحمل كماً هائلاً من الموسيقى التي تكلمنا عنها
ويعتبر إرثاً فائق التنوع مكتمل الإبداع وكامل الدسم

سبحان الذي أثرى هذا البوست بحضورك الفخم

أستاذنا عبدالله الفكي

لك مني كل التشكرات

وجميع الحاجات السمحة


شكرا كثيراً طيباً مباركاً فيه

الرجوع الى أعلى الصفحة اذهب الى الأسفل
السواح

السواح


عدد المساهمات : 40
تاريخ التسجيل : 26/10/2009

الموسيقى التصويرية في لهجتنا العامية Empty
مُساهمةموضوع: رد: الموسيقى التصويرية في لهجتنا العامية   الموسيقى التصويرية في لهجتنا العامية Icon_minitimeالثلاثاء نوفمبر 10, 2009 12:09 am

همس النسيم كتب:

شكلو حيكون بوست القمه باعتبار ان اللاعبين المتبارييين من المحترفبن


اللقه التصويريه دي ذي اوووووووك للناسي حاجه واتذكرها وووووواي ودي لقة كسيره في جكس اهههههههههههههههههه للزعل وعدم الرغبه في مواصلة الحوار ويويويويوي لما حبوبتي تشيل الحله ولا الكفتيره وتلسعها.افيييييييييي يواخييييييييي لي الرائحه الكريهه ام دل ددددددددوم لللبعه في الضهر يييييييييييع استعراض القوه عند اهل العوض ونجفه للاغاظه واششش دي بيكترو منها الحرروم لابداء الاعجاب بشيء جميل اممممممممممم عند اظهار الاهتمام بحديث المتكلم المباشر وفي حاجه غايظاني وامكن هي نوع من الفلفسه العوره لما يعملوا لقاء مع ضيف متقندف بين كل كلمهوالتانيه في وااااواااااااا واااا اواللللللل

واصلو الكععععععععععععع كرررررررع االلذ
bounce

أووووووول حاجة ماتجيبي لي المشاكل يابت الناس

محترفين ديل منو ؟؟؟ انا يادوب بهبش في الحاجات هبيش
بعدين مامنطقية تختيني مع الزول الفوق دا لأنو كدا حأنفضح بدري شديد وأعلن إفلاسي

ثم تعالي هنا .. انتي متاكد إنك شهادة عربية يعني (ش . ع) ؟؟
طيب اللغة بتاعتك الفوق ديك جبتي ليها القاف دي من وين ؟؟؟ الموسيقى التصويرية في لهجتنا العامية Icon_flower

تعابيرك الذكرتيها فيها خليط غريب وجميل جداً بين ماهو مستعمل في الشمال والـ من وسط السودان
وكلها تعكس مفردات يومية تعودنا عليها وصارت جزء من ثقافتنا نتوارثها جيل بعد جيل
بعد دا عايزين مخرج سينمائي يعمل لينا فيلم توثيقي للحاجات دي

همس النسيم يديك العافية على الدعم المتواصل والمرور السمح



شكراً كتير شديد
الرجوع الى أعلى الصفحة اذهب الى الأسفل
ملكة سبأ

ملكة سبأ


عدد المساهمات : 56
تاريخ التسجيل : 08/10/2009

الموسيقى التصويرية في لهجتنا العامية Empty
مُساهمةموضوع: رد: الموسيقى التصويرية في لهجتنا العامية   الموسيقى التصويرية في لهجتنا العامية Icon_minitimeالثلاثاء نوفمبر 10, 2009 2:21 am

[color:f991=darkbl ue] السواح+ود الفكي+.همس والله جيت اتاوق لقيت البوست المنور بي.عالموضوع الملهلب دا وانا عندي كووز عايزه ادلقوا معاكم اهههههههههها للحث او[.للتشويق ولفت الانتباه مشة شججب للتعجب احييييي للتعب والفتر ووووووووووب للاحساس بالفجيعه
هموسه لو مريتي من هنا انا في انتظارك في حلة الرجله
[b][b][color=indigo]
.
الرجوع الى أعلى الصفحة اذهب الى الأسفل
 
الموسيقى التصويرية في لهجتنا العامية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المنتدى الأسري السوداني :: المنتـــــــديــــــــات العــــــــــــــامة :: المنتدى الفني-
انتقل الى: