زوايا مظلمة

كفاية تحميل يا هبار شوية شوية ... علينا

شكرا هبار
شايف قلبك نارو ملهلبة
انشاء الله خيييييييييير
ههههههههههه

الأخ الأصغر عمار
ماهو زاتو الإلتزام بالوقت هو المخلي صعلتك قدر دا نحن كسودانين ـ وسامحوني سأعمم هنا ـ لا استثني احدا نتعامل مع الزمن بلا زمن بغض النظر عن تعريف مصطفي محمود انحن احساس الزمن عندنا دايما معدوم عادي جدا جدا ان نتأخر عن وقت الاجتماع او التمرين او المستشفي او السوق الشعبي كلو علي بعضو بعدين مسألة اتساق الزمان الخارجي مع ازماننا الداخلية دي مسألة انساها نحن حتي في الموسيقي فارقين زمن تحضرني طرفة خستكة زمنية لأول إجتماع للمكتب الفني كان بمنزل عبدالله الفكي وأخوك عامل فيها فنان وجادي شديد فحضرت قبل الزمن ب10دقاقئق لكني لم اطرق الباب الا في التاسعة مساء زمن الإجتماع مفتكر اني حأكون اتأخرت شوية
طبعا الوقت داك ريحة اجتماع مافي وحاول انقر الإجتماع بدأ الساعة كم
التاسعةوالنصف ؟ كضبا كاضب
العاشرة والربع ؟؟ كضبا كاضب
الحادية عشرة و45دقيقة ؟؟كضبا كاضب
الثانية عشر صباحا ؟؟؟؟ كضبا كاضب
وقالوا فنانين ،
اتعشينا ونعسنا ثم اكتمل الحضور في الساعة الواحدة والنصف وكما المشكلة انو الناس الحضرو متأخرين جادين جنس جدية لمن الواحد زاتو شك في نفسو

والكارثة ان الموضوع لم يستوقف أحد خالص
وأن يكون الفنان هو رب الخستكة في ا لزمن فهذه هي المصيبة
تقول لي مصطفي محمود

اعلم ياصديقي انك وكعادتك ترسل اشارات غير مباشرة لواقعنا في " المتدي الأسري " بس الناس ديل الرسائل الغير مباشرة ما بتصلهم ديل عاوزين كلام مباشر جدا ولو عندك طلقات بكون كويس
لانو بالجد الحال يرثي له

اها قلت لي الطيارة فيها كم شباك ؟

"لا يغير الله ما بقومٍ حتى يغيروا ما بأنفسهم" فإن أردنا تغيير هذا الواقع يجب أن نبدأ بأنفسنا.. وأن لا نجامل ولا ننافق في أزماننا ومواعيدنا.. وأنا على يقين تام بأنه ليس فينا من يقصد الحنث بميعاده ولكننا لا نعرف نقدر الزمن الذي يمكننا من الوصول في ميعادنا.. كما أننا نجامل بعض الشيئ في إعطاء المواعيد، فأحياناً نكون على يقين بعدم مقدرتنا على الوفاء بالوعد ولكننا نكابر ونوعد، فهلا صححنا تلك المفاهيم الخاطئة؟! وهلا أنرنا تلك الزاوية المظلمة؟!

موضوع الزمن ...

علاقة السودانيين بالزمن مثل علاقة النجار بقانون أفوقادرو ، فالزمن يمثل لهم التقييد والالتزام لذا حق على باقي الشعوب أن يطلقوا علينا الكسالى ولعلاقة الموضوع بالموسيقى من بعيد سوف أحيد بكم بطرفة لذيذة عن احترام الزمن في غنانا البنريدو بتعليقات مع الاعتذار للأغاني:
* لو غاب عن عيونا دقيقة نخاف عليهو. <بيع ساعتك واشتري بدلها ترمس>
* مرت لحظات وكمان ساعات وحاتك منتظرين. <سجم أمك>
* انتظرتو لما جاء رحت زرتو. <جدع>
* رجيتك في انتظار عينيك كملت الصبر كلو.<خم وصر>
* لقيتو واقف منتظر. <يعني إنت المتأخر؟ خصم راتب يوم>
* الساعة كم أنا خائف.<من متين بتخاف ، الود ملتزم بالزمن يعني>
* يكون نسى الميعاد جدد صدودو أعاد.<مش سوداني! دي هينة، انا خائف ليك من التانية>
* أنسيت وعدك باللقاء هنا بالله كم تأخرتِ.<عييييك ، يعني دي أول مرة؟؟>
* استنيني وإنت مصيرك تستنيني. < تستناك ، قادرالله>
* أخاف لو برضي غبتي عليك. <من متين بتخاف يعني مواعيدك فل؟>
* يا حبيبي ظمئت روحي وحنت للتلاقي. <زولك دة ضامنو بجيك ولا خسارة شكة ساي؟>
* كم مرة أوعدنا وأخلف مواعيدو. <"متعودة دائماً">
* لاقيتو اللية بعد غياب وسنين طويلة. <أكيد صدفة>
* وديت ليهو زول مرسال والمرسال مشى وما جاء <هو بسببو لكن المرسال ليه إتأخر؟>

سلامات يا أبو النيل يا لذيذ يا رايق..

بعد كل القلناه هنا أخاف أن يكون حالنا زي القالغيب وتعال تلقانا نحنا يانا نحنا.. يانا نحنا)

تعم نحن السدانيون لا نهتم بزمن ابد............................لكن الشعوب الاخر دائما متميزة في الزمن والوقت





تحيات الابنة الوية جماع